MBUNGE MSIGWA AMPONGEZA RAIS KIKWETE KWA MKAKATI WAKE WA KUPAMBANA NA UJANGILI , ASEMA YUPO TAYARI KUWATAJA WANAOTUMIA AMBULENCE KUSAFIRISHA PEMBE ZA NDOVU IRINGA

Mwenyekiti wa MANET Bw  Zuberi Mwachura  kulia  akieleza mkakati  wa  kupambana na vitendo vya ujangili katika  hifadhi ya taifa  ya  Ruaha  leo

Mbunge  wa  jimbo la  Iringa mjini mchungaji Peter Msigwa akifafanua  jambo

Mgeni  rasmi  katika warsha ya  siku  moja ya  kujadili  vitendo  vya ujangili katika  hifadhi ya Taifa ya Ruaha ,mbunge  wa jimbo la Iringa mchungaji  Peter Msigwa ( wa pili kushoto) akiwa na viongozi mbali mbali akiwemo mwenyekiti wa taasisi  iliyoandaa warsha hiyo MANET Bw Zuberi Mwachura  na  viongozi  wengine

……………….

Na  Francis  Godwin Blog, Iringa
MBUNGE  wa  jimbo la  Iringa mjini kupitia chama  cha Demokrasia na maendeleo (chadema), Mchungaji Peter Msigwa amempongeza Rais  Jakaya  Kikwete kwa mkakati  wake wa kunusuru vitendo  vya ujangili  katika hifadhi  za  Taifa.

Huku  mbunge  huyo akidai  kuwa anawajua  viongozi  mbali mbali na watu maarufu ambao wanaendelea kuendesha  vitendo vya ujangili katika hifadhi ya  Ruaha  Iringa  ikiwa ni pamoja na kulitumia gari la  wagonjwa (Ambulence) kusafirisha  meno ya tembo na atawataja  wahusika  bungeni.

Msigwa  ambae ni  waziri  kivuli  wa wizara ya maliasili na utalii alitoa   pongezi  hizo  leo mjini Iringa wakati wakati akifungua kikao  cha  kujadili vitendo  vya ujangili  katika  hifadhi ya Taifa  ya  Ruaha Iringa iliyoandaliwa na taasisi  isiyo ya  kiserikali ya Mazingira Netwark Tanzania (MANET).

“Awali  ya  yote  napenda kumshukuru  sana Rais Jakaya Kikwete  kwa  kuja na mikakati ya kweli ya  kupambana na vitendo vya ujangili nchini  kwa  kutumia askari  wa jeshi la lawanchi Tanzania (JWTZ)…huu ni mkakati  mzuri ambao  binafsi  nimempongeza  sana kwa  hatua  hiyo” alisema Msigwa .

Kuwa  ni mara  kadhaa watanzania  wamepata  kusikia viongozi wa Serikali wenye dhamana wakisema kuwa mtandao wa majangili na wafanyabiashara haramu wa wanyamapori ni mpana na mgumu kuumaliza

Pia ni mara  kadhaa pia Serikali imeendelea kukiri kuwa mtandao huu unawahusisha Wafanyabiashara wakubwa, Wanausalama, Wabunge, Wanasiasa na watu wenye dhamana ya uongozi katika taifa letu umekuwa ni  kikwazo  kikubwa katika  vita dhidi ya ujangili.

“….Serikali imeendelea kutoa matamko kuwa itawataja wahusika wa biashara haramu dhidi ya wanyamapori na kuwachukulia hatua lakini cha kushangaza, mara zote hakuna hatua yoyote inayochukuliwa..ni jambo moja la msingi ambalo ningependa kulizungumza na kusisitiza hapa leo ni juu ya wajibu wa kila Mtanzania katika kuhakikisha kuwa tunaungana kwa pamoja katika vita dhidi ya biashara haramu ya wanyamapori”

Hivyo  alisema hatua ya  Rais  Kikwete  kuweka mkakati  huo wa  kutumia  askari  wa JWTZ katika kulinda  hifadhi  na kupambana na majangili  ni  jambo la kumpongeza.

Kwani  alisema baba wa Taifa, Mwalimu Julius Kambarage Nyerere katika tamko lake maarufu mwaka 1961 lijulikanalo kama Arusha Manifesto alisema yafuatayo 

          “Uhai wa wanyamapori ni jambo muhimu na linalotuhusu sana sisi sote barani Afrika. Viumbe hawa wa porini, wakiwa   katika mapori wanamoishi,sio muhimu tu kwa ajili ya       kuajabiwa na kuvutia lakini pia ni sehemu ya maliasili yetu na pia ndio mustakabali wa maisha yetu ya baadaye”.

Alisema  kuwa mwalimu Nyerere alitambua umuhimu wa kutunza wanyamapori kwa wakati huo tukiwa na hazina kubwa ya wanyama, lakini leo viongozi wa Serikali wameshikwa na kigugumizi katika kuhakikisha dira na jitihada za baba wa taifa letu ,vinatimizwa.

Hivyo  alisema kama kiongozi ambaye wananchi wamenipa dhamana ya kuwawakilisha, nawiwa kutumia nafasi hiyo, kuendeleza juhudi zangu na kuwa mstari wa mbele katika kuhakikisha kuwa kila Mtanzania anakua mdau nambari moja wa kupinga biashara haramu ya wanyamapori kwani si tu kuwa inalitia hasara taifa letu bali pia inaweka hatarini maisha ya wanyamapori kwa vizazi vijavyo.

“Nachukua nafasi hii kuikumbusha na kuitaka Serikali kutimiza wajibu wake kwa kuwafikisha majangili na wafanyabiashara haramu wa wanyamapori katika vyombo vya dola na watendewe ipasavyo kwa mujibu wa Sheria”
Kuhusu  watu  maarufu mkoani Iringa  wanaojihusisha na biashar a ya  pembe  za ndovu na hata  kutumia magari ya  umma kama Ambulence  kusafirisha pembe  hizo  za ndovu  alisema kuwa ana idadi  yao ndevu zaidi na kuwa katika kikao cha bunge  kijacho ataweka hadharani majina yao.
 Kiongozi   wa  wanaharakati  wa mtandao  wa  kupambana na vitendo vya ujangili  katika  hifadhi ya Taifa  ya  Ruaha Fundi Mihayo alisema  kuwa mbinu mbali mbali  zinatumika katika kusafirisha pembe za ndovu  ikiwa ni pamoja na usafiri  wa  boda boda kutumika  sasa  kuendeshea  vitendo  vya ujangili .
Alisema  usafiri  huo  umekuwa  ukitumika kuvushia pembe za  ndovu katika  maeneo ya vizuizi na hivyo kutaka  ulinzi  na upekuzi mkubwa unahitajika katika kukomesha vitendo  hivyo.
Kwa upande  wake mwenyekiti wa MANET Zuberi Mwachura alisema  kuwa lengo la mtandao  huo ni kuendelea  kupambana na vitendo vya ujangili  katika maeneo ya  hifadhi nchini .
Kwani  alisema  kuwa usalama wa wanyama pori na mazingira yao ni walazima kwa maendeleo yetu hivyo ni wajibu wa kila mmoja wetu kujua na kufahamu eneo ambalo wanatoka au wanaishi watu wanao fanya au kushiriki au kujihusisha na vitendo vya ujangili ni jukumu letu kuhamasisha jamii ya wananchi wote wajione wana wajibu wa kushiliki katika vita dhidi ya ujangili. 
“..lazima tukubali kwamba ujangili upo,  Pamoja na changamoto zake,  lakini hatuwezi kukaa kimya tukiacha majangili waendelee kuteketeza tembo wetu. …. Mwanzo wa mafanikio katika jambo lolote ni dhamila na nidhamu, ya kupanga na kutekeleza. ….. Kwa kukubaliana katika nia hii ya kupambana na ujangili ni vizuri tuwe na tamko la dhamira yetu ya kujinasua katika Lindi Kubwa la ujangili wa Tembo”

Read More

Ulimboka, Costa na Pawasa wachambua uchezaji Simba

WACHEZAJI waliojijengea heshima kubwa wakati wakiichezea Simba wametamka maneno ya moyoni kuhusiana na mwenendo wa timu hiyo.

Wachezaji hao ni Boniface Pawasa, Victor Costa, Selemani Matola na Ulimboka Mwakingwe lakini kocha Talib Hilal alipowasikia naye akaongeza neno.

Pawasa ambaye alikuwa beki kisiki alisema: “Kikosi bado kinahitaji kurekebishwa hasa kwenye kombinesheni ya mabeki na ushambuliaji bado hapako sawa sana. Nafikiri baada ya mwaka Simba wanaweza kuwa kwenye ubora, wakizingatia misingi ya usajili, watu muhimu wakae sehemu muhimu.”

Victor Costa ambaye pia ni beki alisema: “Simba ya sasa si ya kutegemea sana kuleta mafanikio makubwa labda siku za mbele mafanikio yataonekana. Wachezaji wanahitaji muda na kuvumiliwa sana. Waachwe makocha wafanye kazi zao na pia wachezaji waliosajiliwa wapewe muda na si kuwafukuza.”

Kiungo Selemani Matola alisema: “Kikosi cha sasa ni kizuri, tena kina vijana vizuri ingawa wanahitaji kuaminiwa, watachezea timu hiyo kwa muda mrefu kwa kuwa bado ni vijana wadogo.”

Winga matata Ulimboka Mwakingwe alisema: “Sasa si kama zamani, wachezaji wengi wa sasa hawajitambui, hakuna ushindani wowote tofauti na wakati wetu tukicheza kwa kujituma na kushindania namba.

“Viongozi hawaelewi majukumu yao wengine wamekuwa wakifanya kazi ya kutafuta wachezaji wa kusajili na kuishia kusajili wasiofaa kwa kuwa hawana uelewa wa soka.

“Wamekuwa wakijipeleka nje ya nchi na kusajili vibaya, kisha wanaigharimu timu mamilioni ya fedha. Majukumu ya usajili wapewe wachezaji wa zamani kutokana na uzoefu wao,” alisisitiza Mwakingwe.

Kocha wa zamani Talib Hilal aliongeza: “Wachezaji wanatakiwa kujituma na kujiamini zaidi.”

Read More

RECHO ATUPIA NUSU UTUPU

 MSANII wa filamu za kibongo, Rachel Haule ‘Recho’ hivi karibuni aligeuka kituko baada ya kutupia picha ya nusu utupu katika mtandao wa kijamii.

Picha hiyo ambayo Recho amevaa shati tupu (inayoonesha ndani) bila kuvaa kitu kingine chochote, aliitupia kwenye mtandao wa kijamii wa Instagram ambapo mashabiki na marafiki zake walichangia huku wakimlaumu kuwa hakufanya vizuri kuiweka picha hiyo ya aibu mtandaoni.

Paparazi wetu alimuuliza Recho kulikoni? Akajibu…

Rachel Haule ‘Recho’

Stori: Gladness Mallya
 MSANII wa filamu za kibongo, Rachel Haule ‘Recho’ hivi karibuni aligeuka kituko baada ya kutupia picha ya nusu utupu katika mtandao wa kijamii.
Picha hiyo ambayo Recho amevaa shati tupu (inayoonesha ndani) bila kuvaa kitu kingine chochote, aliitupia kwenye mtandao wa kijamii wa Instagram ambapo mashabiki na marafiki zake walichangia huku wakimlaumu kuwa hakufanya vizuri kuiweka picha hiyo ya aibu mtandaoni.
Paparazi wetu alimuuliza Recho kulikoni? Akajibu hivi:
“Nawapenda sana marafiki zangu lakini mimi sijaona tatizo la hii picha kwa sababu ni ya kawaida sana sioni ubaya wake.”

Read More

MAADHIMISHO YA MIAKA 18 YA KITUO CHA SHERIA NA HAKI ZA BINADAMU YAFANYIKA DAR

Dr. Ringo Tenga ambaye ni mmoja wa waasisi wa Kituo cha Sheria na Haki za Binadamu (LHRC), akielezea historia ya kituo hicho. (wa kwanza kulia) ni Sengodo Mvungi ambaye pia ni muasisi wa kituo hicho.
 Kwaya iitwayo Mwalusanya inayoundwa na wafanyakazi wa kituo hicho, ikitumbuiza wakati wa maadhimisho hayo.…

Dr. Ringo Tenga ambaye ni mmoja wa waasisi wa Kituo cha Sheria na Haki za Binadamu (LHRC), akielezea historia ya kituo hicho. (wa kwanza kulia) ni Sengodo Mvungi ambaye pia ni muasisi wa kituo hicho.
Kwaya iitwayo Mwalusanya inayoundwa na wafanyakazi wa kituo hicho, ikitumbuiza wakati wa maadhimisho hayo.

Wanafunzi walihodhuria sherehe hizo wakimsikiliza kwa makini, Dr.Ringo.

Baadhi ya wadau wa kituo hicho wakisikiliza kwa makini historia ya kituo hicho.

Mkurugenzi wa kituo hicho, Dr. Hellen Kijo-Bisimba akilishwa keki na Bumi Mwalusanya. (Nyuma kushoto ni Dr. Sengodo Mvungi na Dr. Ringo Tenga ambao ni miongoni mwa waasisi wa kituo hicho.
Dr. Sengodo Mvungi akilishwa keki na Bumi Mwalusanya kuashiria uzinduzi wa sherehe hizo. (Wa kwanza kushoto ni Mhe. Rozy Kamili Mbunge wa Viti Maalumu Chadema), Mhe, Kamili ni mmoja wa wajumbe wa Bodi ya (LHRC) wa muda mrefu.

Maadhimisho ya miaka 18 ya Kituo cha Sheria na Haki za Binadamu (LHRC) yalifanyika juzi Septemba 26, jijini Dar es Salaam na kuhudhuriwa na waasisi wa kituo hicho, wanachama, wanafunzi wa baadhi ya shule za Sekondari na msingi, viongozi wa dini na serikali na wadau wengine.
Wakati wa maadhimisho hayo yaliyofanyika Makao Makuu ya LHRC,  Kijitonyama, mmoja wa waasisi wake, Dr. Ringo Tenga alielezea historia ya kituo hicho kilichoanzishwa 1995 ambapo lengo lake ni kupambana na matukio ya uvunjivu wa haki za binadamu.
Mkurugenzi wa kituo hicho, Dr. Hellen Kijo-Bisimba akizungumza wakati wa maadhimisho hayo alisema licha ya  kukumbana na changamoto nyingi, kituo chao kimepata mafanikio mengi.
Aliyetaja baadhi ya mafanikio hayo kuwa ni kuweza kuwatetea watu ambao kwa namna moja au nyingine hawakutendewa haki.
Mmoja wa watu aliyekuwa wa kwanza kutetewa na kituo hicho alikuwa marehemu Adam Mwaibabile aliyekuwa Mwandishi wa Habari wa Gazeti la Nipashe na Radio One mkoani Ruvuma.
Alisema baada ya mwandishi huyo kufungwa kwa uonevu, walikwenda Ruvuma ambapo walimpigania na kufanikiwa kumtoa katika kifungo alichohukumiwa na matukio mengine.
Kuhusu changamoto wanazokutananazo alisema ni kunyimwa vibali vya kufanya kazi na baadhi ya watendaji wa serikali wanapokwenda mikoani, kuitwa wanasiasa wa Chadema, chama cha kidini nk.
Zifuatazo ni baadhi ya picha za matukio yaliyojiri wakati wa maadhimisho hayo.

Read More

SEMINA YA KAMATA FURSA TWENDZETU KWA VIJANA INAVYOENDELEA JIJINI MWANZA‏

 

 Naibu Waziri wa Madini, Mh. Stephen Masele akizungumza mada iliyohusu fursa mbalimbali zinazopatikana kwenye nishati na madini ndani ya semina ya kamata fursa twendzetu,iliyofanyika mapema leo ndani ya ukumbi wa Gold Crest.

  Naibu Waziri wa Nishati na Madini,Mh Stephen Masele akimtambulisha mmiliki wa hotel kubwa ya kitalii hapa jijini…

 

 Mkuu wa Wilaya ya Iramba mkoani Singida, Mh.Yahaya Nawanda akizungumzia mada yake iliyohusu suala la ufugaji,hasa kuku wilayani mwake,ambapo pia amewataka vijana kuitumia fursa ya ufugaji wa aina yoyote katika suala zima la kujiletea maendeleo kwa namna moja ama nyingine badala ya kusubiri Serikali iwafanyie ama iwaletee kila kitu hapo walipo.

Naibu Waziri wa Mawasiliano, Sayansi na Teknolojia, Mh. Januari Makamba akizungumza kwenye mada yake iliyohusu masuala mbalimbali, kuhusiana na Fursa ya kuongeza thamani na kutengeneza jina, sambamba na fursa ya matumizi ya Teknolojia mbele ya maelfu ya vijana waliojitokeza kwa wingi mapema leo kwenye semina ya kamata fursa twendzzetu,iliyofanyika leo,ndani ya ukumbi Gold Crest, jijini Mwanza.

 Sehemu ya wakazi wa mji wa Mwanza waliojitokeza kwa wingi mapema leo kwenye semina ya kamata fursa twendzetu,wakifuatilia yaliyokuwa yakijiri ukumbini humo,ambapo mada mbalimbali zilikuwa zikizungumzwa. 

  Mmoja wa wasanii wa bongofleva, Nikki Wa Pili akizungumza kwenye semina ya kamata fursa twendzetu.

 Mkurugenzi Mtendaji wa kampuni ya Maxcom inayouza bidhaa yake ijulikanayo kama Max Malipo, Bw. Juma Rajab akizungumzia kuhusiana na fursa ya bidhaa yake ya Max Malipo inavyoweza kuisadia jamii kwa namna moja ama nyingine.

Baadhi Washiriki wakifuatilia.

Mmoja wa waigizaji mahiri wa filamu hapa nchini Elizabeth Michael "Lulu" akiwasili kwenye semina ya kamata fursa Twendzetu,ndani ya ukumbi Gold Crest, jijini Mwanza asubuhi hii,ambapo pia atazungumzia mambo kadhaa mbalimbali kwenye semina hiyo, ambayo itawakutanisha Naibu Waziri wa Mawasiliano, Sayansi na Teknolojia, Mh. Januari Makamba, Mbunge wa jimbo la Kigoma Kaskazini na watoa mada wengine mbalimbali. 

Mkurugenzi  Mtendaji wa Benki ya Wanawake Tanzania (TWB), Bi. Magreth Chacha alipokuwa akiwasili kwenye  semina ya kamata fursa Twendzetu, ndani ya ukumbi Gold Crest, jijini Mwanza asubuhi hii.

Naibu Waziri wa Mawasiliano,Sayansi na Teknolojia, Mh. Januari Makamba akiwa ameambatana na Naibu Waziri wa Nishati na Madini,Mh Stephen Masele (mwenye miwani) akisalimiana na Mkurugenzi wa Benki ya Wanawake Tanzania (TWB),Bi.Magreth Chacha walipokuwa wakiwasili kwenye  semina ya kamata fursa Twendzetu, ndani ya ukumbi Gold Crest, jijini Mwanza asubuhi hii,pichani kati ni Mkurugenzi wa vipindi na uzalishaji Clouds Media Group, Bw. Ruge Mutahaba.

Baadhi ya Wakazi wa mji wa Mwanza na vitongoji vyake wakiwa wamejitokeza kwa wingi kwenye  semina ya kamata fursa Twendzetu, ndani ya ukumbi Gold Crest, jijini Mwanza asubuhi hii.

Sehemu ya meza kuu.

Read More

TIMU YA NETIBOLI YA UTUMISHI YAICHARAZA UJENZI MABAO 48-5

Timu ya Netiboli ya Ofisi ya Rais,Menejimenti ya Utumishi wa Umma kabla ya kukaguliwa kwa ajili ya mechi kati yake na timu ya netiboli ya Wizara ya Ujenzi katika viwanja vya Chuo Kikuu Dodoma leo.

Timu ya Netiboli ya Ofisi ya Rais, Menejimenti ya Utumishi wa Umma kabla ya kuanza mechi kati yake na Wizara ya Ujenzi katika Viwanja vya Chuo Kikuu Dodomaleo.

Timu ya Netiboli ya Wizara ya Ujenzi kabla ya kukaguliwa kwa ajili ya mechi kati yake na timu ya netiboli ya Utumishi katika viwanja vya Chuo Kikuu Dodoma leo.

Timu ya Ofisi ya Rais,Menejimenti ya Utumishi wa Umma ikisalimiana na timu ya Wizara ya Ujenzi kabla ya mechi leo.
Mchezaji wa Timu ya Netiboli ya Utumishi Fatma Ahmed (GS) akidaka mpira hewani  wakati wa mechi kati ya Utumishi na Wizara ya Ujenzi mjini  Dodoma leo.
Mchezaji wa timu ya Netiboli ya Utumishi Anna Msulwa (GA)(kulia) akifunga bao wakati wa mechi kati ya Utumishi na Wizara ya Ujenzi mjini Dodoma.

Mchezaji wa timu ya Netiboli ya Wizara ya Ujenzi Anjela Mvungi (GK) akidaka mpira wakati wa mechi kati ya Utumishi na Wizara ya Ujenzi mjini Dodoma.
Mchezaji wa timu ya Utumishi Joyce Mwakifamba (GD) akitoa pasi wakati wa mechi kati ya Utumishi na Wizara ya Ujenzi mjini Dodoma.
Mchezaji wa timu ya Ujenzi Bertha Wilson (GD) akitoa pasi wakati wa mechi kati ya Utumishi na Wizara ya Ujenzi mjini Dodoma.

Na Happiness Shayo – Utumishi
Timu ya Netiboli ya Ofisi ya Rais, Menejimenti ya Utumishi wa Umma imeendelea kufanya vizuri katika mashindano ya Shirikisho la Michezo ya Wizara na Idara za Serikali (SHIMIWI) kwa kuifunga timu ya netiboli ya Wizara ya Ujenzi mabao 48-5 katika mchezo uliofanyika kwenye viwanja vya Chuo Kikuu Dodoma leo mchana.
Katika mechi hiyo,timu ya Utumishi ilionekana kuumiliki mchezo kwa kiasi kikubwa kitendo kilichopelekea wachezaji wa timu ya Wizara ya Ujenzi kutokujiamini na hatimaye kupoteza mabao yao kwa wingi katika dakika ishirini za mwanzo ambapo Utumishi ilifunga mabao 12 kupitia mchezaji wake Fatma Ahmed (GS) na mengine 11 kupitia mchezaji wake Anna Msulwa (GA).
Timu ya Wizara ya Ujenzi ilitumia mbinu mbalimbali kurudisha mabao lakini ilifanikiwa kufunga bao 1 kupitia mchezaji wake Kaundime Kizaba (GA).
Kipindi cha pili cha mchezo huo Utumishi iliendelea kwa kasi ileile na kufanikiwa kuifunga timu ya Wizara ya Ujenzi mabao 25 huku Ujenzi ikifunga mabao 4.
Akiongea mara baada ya mchezo huo Kocha wa timu ya Wizara ya Ujenzi Bw.Abilai Ally alisema kuwa timu yake imejitahidi sana katika kiwango chake kwa kuwa ni timu changa.
“Mchezo ni mzuri lakini timu yetu bado ni changa kimashindano na ni mara ya kwanza kushiriki mashindano haya” alisema Bw.Ally.
Aidha,alifafanua kuwa timu hiyo ina upungufu wa wachezaji kitendo kilichopelekea kuelemewa na mchezo na kufungwa mabao mengi.
Naye mchezaji wa timu ya Utumishi Bi.Amina Ahmed (GD) alisema kuwa mchezo umeonekana mzuri kwa upande wa timu ya Utumishi kwa sababu kila mchezaji ametumia nafasi yake vizuri kwa kucheza inavyotakiwa.
Timu ya Utumishi yenye lengo la kunyakua ubingwa katika mechi zijazo imeendelea kujinoa zaidi ili kufikia lengo huku ikihakikisha haipotezi mchezo wowote katika michezo ya SHIMIWI inayoendelea mjini Dodoma.

Read More

TANZANIA MABINGWA WASICHANA MASHINDANO YA KIMATAIFA AIRTEL RISING STARS

Mkurugenzi mkuu wa Airtel Nigeria Segun Ognsanya Katikati akiwakabithi captain wa timu ya wasichana Tanzania na kocha wa timu ya wasichana Rogacian Kaijage zawadi za ushindi mara baada ya kuibuka mabigwa wa michuano ya Airtel Rising stars ya Afrika

Wachezaji wa timu ya wasichana ya Tanzania ya Airtel Rising stars wakishangilia ushindi

Mwakilishi na kiongozi wa Airtel Tanzania bi Lilian Kibiriti akifurahia ushindi na Wachezaji wa timu ya wasichana ya Tanzania ya Airtel Rising stars mara baada ya kuibuka mabigwa wa michuano ya Airtel Rising stars ya Afrika

Mwakilishi na kiongozi wa Airtel Tanzania bi Lilian Kibiriti akifurahia ushindi wa kikosi cha timu ya wasichana mara baada ya kuibuka washindi katika michuano ya kimataifa ya Airtel Rising stars

Mkurugenzi mkuu wa Airtel Nigeria Segun Ognsanya akimkabithi kombe captain wa timu ya wasichana Tanzania mara baada ya kuibuka mabigwa wa michuano ya Airtel Rising stars ya Afrika jana jijini Lagos Nigeria

Ni Tanzania

Kikosi cha timu mabigwa ya Airtel Rising stars Afrika cha wasichana cha Tanzania wakiwa katika picha ya pamoja pichani waliosimama  (wa mwisho kushoto) ni kocha wa timu ya wavulana Abel Mtweve na wa mwisho kulia ni kocha wa timu ya wasichana Rogacian Kaijage

Tanziania mabingwa wasichana mashindano ya kimataifa Air Rising Stars

Timu ya wasichana ya Tanzania imeibuka mabigwa katika michuano ya vijana chini ya umri wa miaka 17 ya kimataifa ya Airtel Rising Stars yaliyokuwa yanafanyika mwaka huu  nchi Nigeria.

Tanzania ilipata ubigwa huo baada ya kuchuana vikali na timu ya Kenya katika mechi ya Fainali  na kuifunga Kenya goli moja bila na kuibuka mabingwa . Donisia Daniel ndio alipeleka furaha kwa upande wa Tanzania.

Tanzania ilikua kundi moja na Sierra-Leone , Malawi , na Uganda. Walishinda mechi moja dhidi ya Sierra-Leone 2-1 , wakapoteza mchezo dhidi ya Uganda na kutoka sare na Malawi 1-1.

Wakashinda 4-2 katika mikwaju ya penati dhidi ya DRC katika robo fainali mechi zilizopigwa katika uwanja wa NIS Sports. Na wakawatoa Uganda kwa mvua ya magoli 8-1.

Mbali na ushindi huo wa wasichana watanzania walijishindia zawadi mbalimbali ikiwemo , Mchezaji bora kwa upande wa wasichana Tatu Iddi, Mfungaji bora wa mashindano kwa upande wa wavulana Athanas Mdam na Mfungaji bora kwa upande wa wasichana Shelda Boniface.

Kwa upande wa wavulana Timu ya Niger wametetea tena ubingwa  baada ya kuifunga Zambia kwa mikwaju ya penati 7-6  katika mechi ya fainali ya Airtel Rising Stars ilifanyika kweny uwanja wa Agege nchini Nigeria.

Niger wamefanya vizuri kuanzia hatua ya makundi  baada ya kushinda michezo yote katika makundi na kufikisha magoli 12 na kuruhusu magili matatu tu katika mechi sita . Jumla ya mechi 58 zimechezwa katika mashinda.

Aidha timu ya wavulana ya Tanzania imeshikilia nafasi ya nne kati ya timu zaidi ya 16 zilizoshiriki michuano hiyo

Michuano ya kimataifa ya Airtel Rising Stars kwa mwaka huu yamefanyika nchini Nigeria katika viwanja vinne Agege, Township Stadium, Legacy Pitch, National Institute for Sports Fiels na  Main bowl.

Kulianza na “ gala night” jumapili usiku ikafatia  sherehe za ufunguzi , na mechi za ufunguzi za makudi katika uwanja wa AgegeTownship .

Mashindano ya kiamataifa ya umri chini ya miaka 17 ya Airtel Rising Stars yanafanyika kwa mara ya pili , mashindano haya yamekua bora kwa vijana wadogo na kwakuzingatia jinsia.

Read More