GARI NA BAJAJ ZAGONGANA KINONDONI

Bajaj ilivyogongwa.

Inavyoonekana kwa chini.

Dreva wa Bajaj akilia kwa uchungu.…

Bajaj ilivyogongwa.

Inavyoonekana kwa chini.

Dreva wa Bajaj akilia kwa uchungu.

Wananchi wenye hasira wakimsulubu dereva Suzuki kwa kupita eneo lisilo lake.

Askari akimuokoa dereva  kutoka kwenye kipondo.

.Mashuhuda  wamelizingira gari lililosababisha ajali.

Dereva wa Bajaj akisaidiwa na Wasamaria Wema kupelekwa hospitali.

8.Mmoja wa Wasamaria Wema akimweka vizuri dereva wa Bajaj.

...Akiangalia mkono wake jinsi alivyoumia.

Hiki ni kiatu cha abiria wa Bajaj ambaye hakueleweka alipoelekea baada ya ajali hiyo.

GARI aina ya Suzuki namba SM 4726 mali ya Manispaa ya Kinondoni imegongana uso kwa uso jioni hii na Bajaj yenye namba za usajili T 761 CKR kwenye bonde linalounganisha Kinondoni na Magomeni, Jijini Dar es Salaam.

PICHA: RICHARD BUKOS NA ISSA MNALLY GPL

Read More

MWANAUME AFIA GESTI AKIFANYA MAPENZI NA MPENZI WAKE JIJINI DAR

MFANYABIASHARA wa sokoni Kariakoo jijini Dar ambaye pia ni mkazi wa Kigogo Flesh, Hamad Kiponda (46), amefia nyumba ya kulala wageni akiwa na mpenzi wake Latifa Saidi (25).


Kamanda wa Polisi Mkoa wa Ilala, Marietha Minangi alisema tukio hilo lilitokea juzi saa saba mchana katika nyumba hiyo iitwayo Sansiro iliyoko Kiwalani kwa Gude.

 
Alisema kuwa kutokana na tukio hilo, Latifa alitoa taarifa polisi kwamba mpenzi wake aliishiwa na nguvu ghafla na kuanza kutokwa povu mdomoni wakati wakifanya mapenzi.
 
Minangi alieleza kuwa mtoa taarifa huyo aliomba msaada kwa wahudumu wa gesti hiyo, lakini Kiponda alifariki papo hapo kabla ya kupelekwa hospitali.


Chanzo cha kifo chake bado hakijafahamika, wakati mwili wake umehifadhiwa katika Hospitali ya Taifa Muhimbili kwa uchunguzi zaidi huku Latifa akishikiliwa kwa kuhojiwa.
 
Wakati huo huo, moto umezuka ghafla katika nyumba ya Matiku Nestori (43) mkazi wa Tuamoyo Kigamboni, yenye vyumba sita na kuteketeza vyumba vinne pamoja na mali zote zilizokuwemo ndani ambazo bado thamani yake haijajulikana.


Kwa mujibu wa Kamanda Minangi tukio hilo lilitokea juzi saa nane mchana na chanzo cha moto huo inasadikiwa ni hitilafu ya umeme iliyosababisha moto kuanzia kwenye nguzo.

Read More

SHEIKH PONDA AWEKWA CHINI YA ULINZI MKALI WA POLISI.....JUMUIYA YA KIISLAM YATOA MASHARTI KWA SERIKALI

Katibu wa Jumuiya na Taasisi za Kiislamu Tanzania, Sheikh Ponda Issa Ponda yupo chini ya ulinzi huku akitibiwa majeraha katika Hospitali ya Taifa ya Muhimbili. 

Sheikh Ponda alisafirishwa usiku wa manane kutoka Morogoro baada ya juzi kupigwa na kitu kinachodaiwa kuwa ni mtutu wa bomu saa 12:25 jioni alipokuwa akisindikizwa na wafuasi wake kwenda katika Msikiti wa Mungu Mmoja Dini Moja mara baada ya kumaliza kutoa mhadhara katika kongamano mjini hapo.

Hata hivyo, Mwenyekiti wa Kongamano hilo, Sheikh Idd Mussa Msema, alidai kuwa Sheikh Ponda alipigwa risasi tatu begani.

Taarifa kutoka ndani ya familia ya Ponda zilisema kwamba baada ya kupata taarifa za kupigwa risasi, baadhi ya masheikh walifunga safari kwenda Morogoro na kumrejesha Dar es Salaam usiku huohuo. 



Kabla ya kurudishwa Dar es Salaam, imeelezwa kuwa Sheikh Ponda alipelekwa katika Zahanati ya Islamic Foundation.
 

Mmoja wa wanafamilia alidokeza kwamba Sheikh Ponda alifichwa na alikuwa chini ya ulinzi mkali wa wafuasi wake na hakuna aliyeruhusiwa kumsogelea.

 

Muhimbili

Hata hivyo, habari zilizopatikana baadaye jana zilisema kuwa alifikishwa Hospitali ya Taifa ya Muhimbili kwa ajili ya kupatiwa matibabu.
 

Sheikh Ponda alifikishwa Muhimbili jana saa 7:18 mchana na alipelekwa kwenye chumba cha wagonjwa wa dharura na baadaye alitolewa na kupelekwa kwenye chumba cha x-ray kwa ajili ya vipimo. Baadaye alipelekwa chumba cha upasuaji.

 

Eneo kubwa la hospitali hiyo lilikuwa na idadi kubwa ya askari na mmoja wa askari waliokuwa doria hospitalini hapo alisema walitawanywa kwenye hospitali mbalimbali za Dar es Salaam baada ya kupata taarifa kuwa angeletwa kwa matibabu.

“Nakuambia tuko hapa tangu saa kumi na moja asubuhi, tumetawanywa hospitali mbalimbali baada ya kupata taarifa kuwa analetwa Dar. Bahati nzuri kaletwa hapa Muhimbili... tunasubiri apate matibabu na tutamtia mbaroni,” alisema askari huyo.
 

Taarifa ya polisi

Msemaji wa Polisi, Advera Senso alisema jana katika taarifa yake kuwa Sheikh Ponda yuko Hospitali ya Muhimbili akitibiwa baada ya kupata majeraha yaliyotokana na purukushani na polisi wakati wafuasi wake walipokuwa wanataka kumtorosha.

“Kutokana na tukio hilo, timu inayoshirikisha wajumbe kutoka Jukwaa la Haki Jinai likiongozwa na Kamishna wa Polisi Isaya Mungulu imeanza uchunguzi wa tukio hilo na Polisi inawataka wananchi kuwa watulivu wakati wanashughulikia suala hilo kisheria.”

 

Polisi Morogoro wapigwa chenga

Wakati akiwa Muhimbili, Polisi mkoani Morogoro, lilisema bado linamtafuta Sheikh Ponda.
 

Kamanda wa Polisi Mkoa wa Morogoro, Faustine Shilogile alisema jana kuwa kwa taarifa zilizopo, bado Sheikh Ponda amefichwa mkoani Morogoro na kwamba anaendelea kutafutwa.
 

“Tamko la Serikali mpaka sasa hatujathibitisha kwamba Sheikh Ponda amejeruhiwa na risasi na tunamtaka mtu yeyote awe yeye au ndugu yake aje kuthibitisha kwamba amepigwa risasi,” alisema.
 

Alikanusha madai kwamba jeshi hilo limehusika kumpiga risasi akisema hakuna ushahidi kwa kuwa hajaonekana ili kuonyesha kuwa amepata majeraha sehemu yoyote ya mwili wake.

 

“Siku zote risasi haifichiki, kama amepigwa angejitokeza ili kupewa kibali cha matibabu,” alisema Shilogile.

Alisema polisi inawashikilia watu wawili na inawatafuta viongozi watano wa Umoja wa Waadhiri wa Kiislamu Mkoa wa Morogoro walioandaa kongamano hilo.

 

Kamanda Shilogile alisema waandaaji wa kongamano hilo walipewa kibali na polisi kufanya kongamano kwa masharti ya kutokutoa matamshi ya uchochezi ikiwa ni pamoja na Sheikh Ponda kutokuhudhuria.

 

Alisema hata hivyo, katika kongamano hilo lililofanyika eneo la Kiwanja cha Ndege kulikuwapo na wageni zaidi ya watano waliohutubia. 


Kamanda Shilogile alisema ilipofika saa 12.50 jioni ndipo Sheikh Ponda alipofika na baadaye kupewa dakika tano kuzungumza na alieleza kuwa yeye si mzungumzaji kwa siku hiyo na badala yake angezungumza leo katika Viwanja vya Msikiti wa Jabal Hirra.
 

Alisema baada ya hapo mkutano ulifungwa na wafuasi wake wakaanza kusukuma gari alilokuwa amepanda katika Barabara ya Tumbaku karibu na Kituo cha Mafuta cha El Saedy. 



Alisema kuwa, polisi walimfuata kutaka kumtia mbaroni lakini wafuasi wake walianza kurusha mawe na ndipo askari hao walipofyatua juu risasi tatu za baridi ili kuwatawanya.

Hata hivyo, alisema polisi walizidiwa nguvu na wafuasi hao ambao walifanikiwa kumtorosha Sheikh huyo kwa pikipiki.Alisema kuwa baadaye zilizagaa taarifa kuwa amepigwa risasi ya begani na kupelekwa Hospitali ya Mkoa kisha kutoroshwa kusikojulikana.

Wavamia hospitali

Katika hatua nyingine, watu wanaosadikiwa ni wafuasi wa Sheikh Ponda wamevamia Hospitali ya Mkoa wa Morogoro na kufanya uharibifu kwa kuvunja vioo katika wodi namba sita ya watoto wakishinikiza kuonyeshwa Sheikh huyo alipo.

Baadhi ya wagonjwa waliolazwa na watoto wao katika wodi hiyo, Kibua Michael na Cecilia Clemence kwa nyakati tofauti walisema kwamba wafuasi hao walikusanyana nje ya hospitali hiyo na kurusha mawe na kusababisha taharuki kwa baadhi ya wagonjwa.

Sheikh Kundecha atoa sharti

Taasisi na Jumuiya za Kiislamu Tanzania, imeitaka Serikali kuunda tume huru ya uchunguzi wa tukio la kujeruhiwa kwa Sheikh Ponda na majibu yake ndiyo yatakayoamua uhusiano baina ya Waislamu nchini na Serikali iliyopo madarakani.

 

Akitoa tamko la Jumuiya hiyo katika Msikiti wa Mtambani, Kinondoni, Dar es Salaam jana, Amiri wa Jumuiya hiyo, Sheikh Yusufu Mussa Kundecha alisema pamoja na mambo mengine, pia wanataka kuona askari polisi aliyemdhuru Sheikh Ponda anachukuliwa hatua za kisheria.

Alisema kitendo alichofanyiwa Sheikh Ponda ni mtiririko wa vitendo vya uonevu na unyanyasaji na aliishangaa Serikali kumtafuta Sheikh huyo kupitia vyombo vya habari wakati inafahamu hatua za kuchukua pale wanapokuwa wanamtafuta mtu.

Alisema hata yeye wakati anatafutwa na polisi alipelekewa barua akitakiwa kuripoti kituoni lakini si kupitia vyombo vya habari na kitendo hicho kinaonyesha wazi kuwa Serikali imeshindwa kuwahakikishia raia usalama wao.

 

“Mbaya zaidi, wao ambao wanataka watu wasichukue sheria mkononi ndiyo hao wa kwanza kufanya hivyo jambo ambalo sidhani kama litatufikisha pazuri,” alisema Kundecha.

 

Aliitaka Serikali kufuata sheria na kufuata taratibu husika katika kushughulikia masuala yanayowahusu makundi mbalimbali katika jamii badala ya inavyofanya sasa akisema hiyo inachangia chuki kati ya Waislamu na Serikali.

 

Profesa Lipumba atoa tamko

Mwenyekiti wa (Cuf), Profesa Ibrahim Lipumba amemtaka Rais Jakaya Kikwete kuingilia kati suala la kupigwa risasi kwa Sheikh Ponda ili nchi isije kuingia kwenye machafuko yenye mrengo wa kidini.

Profesa Lipumba aliwaambia waandishi wa habari jana ofisini kwake Dar es Salaam kuwa chama hicho kinalaani vikali tukio hilo na kutaka polisi kuwakamata waliompiga risasi.

 

“Nimetoka kumjulia hali muda mfupi uliopita, nimemkuta akiwa katika hali mbaya japo anaweza kuzungumza na kutambua watu wanaokwenda kumwona... kwa kweli tukio la kupigwa risasi kwa Sheikh Ponda linaweza kusababisha nchi kuingia kwenye machafuko ya kidini kama hatua za haraka hazitachukuliwa.

 

“Tukio la Sheikh Ponda kupigwa risasi tena na watu wanaodhaniwa kuwa ni polisi, limeleta sura mbaya kwa taifa,” alisema Lipumba.

 

Rufaa ya wafuasi wake leo

Wakati hayo yakitokea, rufaa ya wafuasi 52 wa Sheikh Ponda waliohukumiwa kifungo cha mwaka mmoja jela inatarajiwa kusikilizwa leo katika Mahakama Kuu Kanda ya Dar es Salaam.

 

Wafuasi hao walihukumiwa kifungo hicho, Machi 21, mwaka huu na Mahakama ya Hakimu Mkazi Kisutu baada ya kutiwa hatiani kwa makosa matatu kati ya manne yaliyokuwa yakiwakabili.

 

Walikuwa wakikabiliwa na mashtaka ya kula njama, kutenda makosa, kukaidi amri ya polisi kabla na baada ya kufanya maandamano yaliyozuiwa na polisi, kufanya mikusanyiko haramu na kusababisha uvunjifu wa amani na uchochezi.

 

Hata hivyo, kupitia kwa Wakili wao, Mohamed Tibanyendera walikata rufaa wakipinga hukumu na adhabu waliyopewa.

Rufaa hiyo itasikilizwa leo na Jaji Salvatory Bongole.

Kwa mujibu wa hati ya rufani waliyoiwasilisha mahakamani hapo, wafuasi hao, pamoja na mambo mengine, wanadai kuwa hakimu alikosea kisheria katika kuchambua ushahidi wa pande zote uliowasilishwa mahakamani.

 

Pia wanadai kuwa katika hukumu hiyo, hakimu alijikanganya kwa kumwachia huru mmoja wa washtakiwa na kuwatia hatiani washtakiwa wengine.

 

Watu hao walikamatwa na Polisi Machi 15, mwaka huu, wakiandamana kwenda Ofisi ya Mkurugenzi wa Mashtaka (DPP), kwa lengo la kumshinikiza kumpa dhamana Sheikh Ponda na mshtakiwa mwenzake Mukadam Swalehe na Machi 18, mwaka huu walipandishwa kizimbani na kusomewa mashtaka.

Read More

NEY WA MITEGO

 
MSANII wa muziki wa kizazi kipya nchini Ney wa Mitego, ameweka wazi kuwa ikitokea amefariki dunia hatohitaji kamati kwa ajili ya kuendesha mipango ya msiba wake, kwa kile anachodai kuwa kamati hizo zipo kwa ajili ya kuvuna pesa.

Hayo aliweka wazi baada kupokea ujumbe mfupi kwenye simu yake wenye vitisho uliotokana na mashairi alioimba kwenye single yake mpya ya 'Salaam zao' .

Ujumbe huo wa vitisho ambao umepokelewa na msanii huyo umekuja mara baada ya msanii huyo kuachia single yake hiyo ambapo moja ya mashahiri ni juu ya hela za rambirambi zilizopatikana katika msiba wa msanii Ngwear pamoja na Kanumba kushindwa kuwafikia walengwa.

Akizungumza na jarida la Maisha, mara baada ya kutuma ujumbe alioupokea wa vitisho kwenye ukurasa wake wa 'Instagram', Ney wa Mitego aliweka wazi kuwa amepokea ujumbe wa vitisho mara baada ya kuachia nyimbo hiyo.

Alisema kuwa amepokea ujumbe mbalimbali ambazo zipo zinazowataja wahusika moja kwa moja wale waliohusika kula rambirambi, huku wengine wakimtumia ujumbe wa kumtisha kwa kile alichokiimba katika nyimbo hiyo.

"Mimi hata ikitokea nakufa leo sihitaji mtu yeyote wa  kuweka  kamati ya mazishi yangu kwani najua kitakachotokea siyo mazishi bali ni kula hela na rambirambi hizo kushindwa kutimiza malengo kama yalivyokusudiwa" alisema Ney wa Mitego.

Aliongezea kuwa hawezi kuacha kuimba ukweli hata kama ataendelea kupokea vitisho.

Read More

AGNESS MASOGANGE AMPONZA AY NA MWANA FA HUKO AFRIKA KUSINI....

Msanii Madee alivyokuwa airport huko South Africa alipekuliwa sana kutokana na historia ya kukamatwa kwa watanzania na madawa ya kulevya kwenye viwanja vya ndege vya huko South Africa. 


Tukio hilo limewatokea Mwana F.A akiwa na swahiba wake A.Y baada ya kufika bondeni kwa ajili ya show ambapo  wamepekuliwa  kupita  kiasi


Mwana F.A hali ilimshinda ikabidi aanze ku-share na marafiki zake kwenye twitter kuhusu mambo yaliyowakuta huko bondeni.
 
Hizi ni baadhi ya caption za Mwana F.A na watu wengine baada ya tukio hili kutoke.

Read More

MBUNGE WENJE ATUHUMIWA KWA UTAPELI MWINGINE WA HARAMBEE NAYE MBUNGE LAMECK AMTAKA ASHINDANE NAYE KWA VITENDO NA SIYO MATUSI JUKWAANI

Mbunge wa Rorya Mhe. Lameck Airo akizungumza na vyombo mbalimbali vya habari jijini Mwanza akimtaka Mbunge wa Nyamagana Mhe. Ezekiel Wenje, kushindana naye kwa kuwaletea wananchi maendeleo na siyo matusi jukwaani.

MBUNGE wa Jimbo la Rorya Mkoani Mara Lameck Airo (La-Kairo) amesikitishwa na kitendo cha Mbunge wa Jimbo la Nyamagana Ezekiel Wenje kumtapeli kiasi cha fedha shilingi milioni moja alizozitoa ili zikatangazwe kama sehemu ya mchango kwa lengo la kuchangia harambee aliyoiendesha katika kijiji cha Buchile Kata ya Mkoma Mjini Shirati Mkoani Mara alikozaliwa Wenje.

Hatua hiyo imekuja mara baada ya tukio la hivi karibu la Bw. Wenje kutumia jukwaa la harambee hiyo ya kuchangia elimu katika kijiji cha Buchile kumkashifu kwa maneno yasiyofaa Mbunge wa jimbo la Rorya na kusema kuwa mbunge huyo hajafanya maendeleo yoyote kwa watu wa jimbo lake licha ya kusaidiwa kuongea Bungeni. 

Bw. Airo alisema kwamba kitendo alichokifanya Bw. Wenje cha kushindwa kuwasilisha mchango wa shilingi milioni moja alioutoa Airo katika harambee hiyo, kumchafua kwa kutumia lugha chafu pamoja na kushindwa kutambua thamani ya kazi mbalimbali ambazo amekuwa akizifanya katika kijiji hicho alikozaliwa Mbunge Wenje ni kitendo kisicho na uungwana na hakipaswi kufanywa na mtu wa hadhi yake anayetizamwa kama mfano wa kuigwa na jamii.

"Nadhani Bw.Wenje anapaswa kushindana nami kwa kwa vitendo katika kuwaletea maendeleo wananchi wa majimbo yetu badala ya kuhangaika na maneno jukwaani bila vitendo, hili haliwasaidii wananchi ila ninaamini mwisho wa siku tutakapokwenda kwenye tathimini tutaona ni nani aliwatumikia wananchi wake waliomchagua kikamilifu" "Mimi sitafuti umaarufu kwa wananchi wa Rorya na wao wanatambua hilo bali ni mimi niko kwaajili ya kutekeleza nilichowaahidi" alisisitiza Bw.Airo.

Mbunge Ezekiel Wenje.

Alieleza kwamba ni matukio yanayojirudia na anahisi huu ni mfumo na aina mpya ya utapeli aliobuniwa na Wenje wa kujipatia fedha toka kwa wadau na marafiki wanaokubali kumchangia, naye kuacha kuwasilisha michango hiyo au kuichakachua kwa kutoa kiduchu na kwamba siajabu hata Mwenyekiti wake Bw. Freeman  Mbowe naye alimchangia lakini hakumtaja kwa wananchi zaidi ya kusema yeye anatoa milioni moja zake kwa ujenzi wa darasa hilo la shule ya msingi aliyosomea.

“Nimeshangazwa kuona hata michango yetu mimi shilingi milioni moja na Mwenyekiti wangu wa Halmashauri ya Wilaya ya Rorya Bw.Charles Ochele aliyetoa laki tano hazikutajwa zaidi ya Bw. Wenje kutoa milioni moja tu kwenye harambee hiyo fedha aliyodai imetoka mfukoni mwake, hii inaonyesha kuwa hakuwa na harambee ya kweli bali lengo lilikuwa kuwachafua na kuwakashifu kwa maneno yasiyofaa viongozi wenzake ili kujitafutia umaarufu wa kisiasa” alisema Airo. 

Bw. Airo amesisitiza kwamba kamwe hatomjibu kwa matusi mbunge Wenje na badala yake atamjibu kwa vitendo kwenye utekelezaji shughuli za maendeleo kupitia ilani ya CCM. 

Jimboni Rolya ahadi nyingi zilizoainishwa kwenye ilani ya Uchaguzi ya CCM ya 2010-2015 hadi sasa miradi mingi inatajwa kukamilika kwa asilimia 90 huku mbunge wa jimbo hilo akiahidi kukamilisha miradi mingine iliyoainishwa mapema zaidi hata kabla ya kumalizika kwa msimu.

Hii ni mara ya pili sasa kwa Bw.Wenje kushutumiwa na Bw.Airo kwa kutoweka wazi michango ya fedha anazoomba kuchangiwa kwenye harambee mbalimbali alizoendesha akidai kusaidia maendeleo lakini imekuwa tofauti kwani michango kuwasilishwa pungufu ya idadi iliyotolewa na zaidi Wenje amekuwa akimshambulia kutumia mikutano ya hadhara na majukwaa ya kisiasa akidai kuwa hajatoa mchango wowote japo amemuomba kufanya hivyo.

Read More

MIKUTANO WA MSTAHIKI MEYA WA JIJI LA MWANZA NA WANANCHI WA MTAA WA MALIMBE WATOA SULUHISHO KWA KERO ZAO

Mstahiki Meya wa jiji la Mwanza  ambaye pia ni diwani wa kata ya Mkolani (wa pili kutoka kushoto) akisikiliza kero za wananchi wa mtaa wa Malimbe ikiwa ni sehemu ya utaratibu aliouweka kufanya mikutano ya kila mara katika maeneo ya kata yake, wengine katika picha kushoto kabisa ni Mwenyekiti wa Mtaa Bi Zenaida Musiba, Mtendaji wa kata ya Mkolani Evarist Mtaki, Afisa Ardhi Idara ya Urasimishaji Makazi holela jijila Mwanza Bw. Maduhu Kazi Ilanga, pamoja na Mhandisi wa barabara  halmashauri ya jiji la Mwanza Bw. Malulu.

Mwananchi ambaye ni mkazi wa mtaa wa Malimbe kata ya Mkolani mkoani Mwanza akitoa hoja ya kuitaka Halmashauri ya jiji iwapatie hati baadhi ya wananchi waliopimiwa viwanja na kufanikisha upimaji wa maeneo ambayo hayajapimwa ili kuwa na uhakika wa makazi yao.

Sehemu ya wananchi wa mtaa wa Malimbe kusanyikoni.

Afisa Ardhi Idara ya Urasimishaji Makazi holela jijila Mwanza Bw. Maduhu Kazi Ilanga, akijibu hoja motomoto za wananchi zilizowasilishwa.

Mhasibu wa Wananchi Mwalimu mstaafu Mzee Mahola aliwasilisha 

Akinamama.

Mwananchi akitoa hoja ya ukarabati wa barabara ya Malimbe - Saut - Mnangani hadi Mkolani Centre ili kupitika kiurahisi. 

Mwananchi huyu alimuomba Mstahiki Meya kuwasiliana na SUMATRA na kuwabana baadhi ya wamiliki wa vyombo vya Usafiri wanaokatiza ruti huku magari yao yakiwa yamesajiliwa kuihudumia njia yote.

Mwalimu Crecency Njogopa aliwakilisha akina mama kwa kulizungumzia suala la uhaba wa maji.

Mdau huyu alimuomba Mstahiki Meya kuwabana Tanesco kuongeza juhudi za kutandaza nguzo za umeme bila urasimu ambapo suala hilo limekuwa kero ya muda mrefu, suala ambalo limechangia kuwaficha wahalifu walioleta maafa ya ujambazi na ubakaji hasa kwa wakazi wapangao maeneo hayo wengi wakiwa ni wanafunzi wa Chuo cha SAUT.

Mhandisi wa barabara wa Halmashauri ya jiji la Mwanza Bw. Malulu akijibu hoja na maswali yaliyojitokeza kwenye mkutano wa wananchi waishio mtaa wa Malimbe. 

Mstahiki Meya akitoa majibu na ufafanuzi kwa yaliyowasilishwa.

Kumalizika kwa mkutano eneo la mtaa wa Malimbe.

Wananchi wakimpongeza Mstahiki Meya wa jiji la Mwanza mara baada ya mkutano kumalizika huku akitoa majibu mazuri yakitaalamu kupitia safu ya wataalamu alioongozana nao. 

Akina mama nao hawakuwa nyuma kutoa pongezi ambapo ndani yake waliahidi kutoa ushirikiano kwake na wataalamu hao wakati wa utekelezaji.

Read More