YASEMAVYO MAGAZETI YETU

Read More

WANAWAKE WASHEREKE SIKU YAO KWA KUPEWA KIPAO MBELE

Ofisa Mawasiliano Mwandamizi, Mradi wa CHAMPION, Muganyizi Mutta akitoa mafunzo kwa waandishi wa habari wa mkoa wa Iringa katika ukumbi wa royal hotel mafinga wiki hii.
Na Denis Mlowe, Iringa
WANAHABARI nchini wametakiwa kuandika habari zinazolenga kukuza usawa wa jinsia katika vyombo vyao vya kazi.
Ofisa Mawasiliano Mwandamizi, Mradi wa CHAMPION, Muganyizi Mutta alisema hayo wiki hii wakati wa mafunzo ya wanahabari mkoani Iringa yaliyofanyika kwenye ukumbi wa Hoteli ya Royal Park mjini Mafinga.Mutta alisema, uwiano wa habari zinazoripotiwa na vyombo vya habari nchini kuhusiana hauko sawa hivyo kushindwa kufikia malengo ya uwiano wa nusu-kwa-nusu ambao unahimizwa kwa sasa kote ulimwenguni.Alisema, vyombo vingi vya habari kuanzia magazeti, televisheni na radio kwa asilimia kubwa vimebeba habari za wanaume kuliko wanawake, jambo ambalo linapaswa kubadilika.

“Vyombo vingi vya habari vimeegemea katika habari ambazo hazina usawa kwa upande wa wanawake kuanzia kwenye habari zenyewe, picha zanazochapishwa na matangazo ambayo yameegemea upande wa jinsia ya kiume,” alisema.

Mutta alisema, tofauti ya uwiano huo inaanzia ngazi za chini katika jamii hadi kwenye sekta nyingine, hivyo kuwataka wanahabari kuondokana na mtazamo huo hasi ambao haulengi kuleta usawa na zaidi humbagua mwanamke.

Aidha, alitoa mfano wa vichwa vya habari vinavyotumika katika vyombo vingi vya habari, hususan magazeti, ambavyo vinamuonyesha mwanamke kama ndiye mwathirika mkubwa katika masuala yote ya ujinsia.

“Kati ya vitu vinavyokuwa na tofauti ni katika kuchagua vichwa vya habari, picha zinazochapishwa katika vyombo vya habari, sentensi zinazotumika na maneno vinaonyesha ni kiasi gani mwanamke anabaguliwa katika vyombo vya habari” alisema Mutta

Naye Paulina Kuye mwandishi wa habari wa radios Nuru Fm alisema kwamba wanawake wengi wanakosa kujiamini katika kufanya kazi za uandishi wa habari na kukata tamaa kutokana na kutokukubali kukosolewa.

“Sisi wanawake pia tunachangia sana kuwa wachache katika tasnia ya habari na kutojiamini kwetu nacho ni chanzo kikubwa sana kufanya fani hii kutawaliwa na wanaume” alisema Kuye.

Read More

Ipc yalaani alichofanyiwa kibanda

Na  Francis  Godwin,Iringa

KLABU  ya  Waandishi  wa Habari Mkoa  wa Iringa (IPC) imeeleza kusikitishwa na wimbo la vitendo vya ukatili na ukiukwaji  wa haki  za binadamu vinavyoendelea   kujitokeza  kwa  wanahabari  hapa nchini na  kulitaka  jeshi la  polisi kuusaka mtandao huu  wa utekaji wa  wanahabari nchini.Akizungumza na wanahaari mjini hapa leo , Mwenyekiti  wa IPC. Frank Leonard  alisema muda umefika kwa wanahabari nchini kote bila kujali tofauti zao kufanya tathimini ya mahusiano na wadau wao ili tahadhari zianze kuchukuliwa.

Akizungumzia tukio la  kinyama ambalo amefanyiwa  Mwenyekiti  wa  Jukwaa la  Wahariri Nchini, Absolom Kibanda ambae  pia ni Mhariri  wa Kampuni ya New Habari, Leonard alisema nimuhimu kwa wanahabari kukataa kuendelea kushuhudia wenzao wakinyamazishwa kwa kufanyiwa vitendo vya ukatili ikiwa ni pamoja na kuuawa.

Alisema katika mazingira ya kushangaza, ukuaji wa tasnia ya habari unaolenga kuchochea maendeleo ya nchi, unakwenda sambamba na mfululizo  wa matukio yanayolenga kuipunguza kasi hiyo.
Alisema baadhi ya wanahabari wanaofuatilia na kuchapisha au kurusha matukio yanayohusu maslai ya umma wamekuwa wakifukuzwa, wakitukanwa, wakinyang'anywa au kuvunjiwa vifaa vyao vya kazi, wakipigwa na kuuawa jambo linaouwa semokrasia, haki na maendeleo ya nchi.
"Ni wazi usalama  wa wanahabari upo mashakani; ni muhumi tukaitathimini hali hiyo na kuchukua tahadhari ikiwa ni pamoja na kupunguza mahusiano ya kudumu na  wadau  wasiopenda uwepo  wa vyombo  hivyo  vya habari," alisema.

Alisema  wakati matukio ya wanahabari kushambuliwa yakishamiri, kasi ya vyombo vya dola katika kuwasaka na kuwafikisha wahusika katika mikono ya sheria ni ndogo ikilinganishwa na matukio yanayohusu wadau wengine likiwemo jeshi la Polisi.
Leonard alisema wanahabari wanatakiwa kushikamana na kupaza sauti zao juu ili matukio ya aina hiyo yakomeshwe na yanapotokea wahusika wasakwe kwa nguvu zote na kuchukuliwa hatua za kisheria.

Alisema unyama uliofanywa kwa Kibanda, unakumbusha majonzi kwa watanzania ambao bado hawajasahau jinsi Mwandishi  wa  Channel Ten na Mwenyekiti  wa IPC, Marehemu  Daudi Mwangosi alivyouawa kinyama na Polisi wakati akitimiza wajibu wake Septemba 2, mwaka jana katika kijiji cha Nyololo, wilayani Mufindi mkoani Iringa.
Pia  tukio la  kutekwa kwa mtangazaji  wa Redio Kwizera-Kibondo Issa Ngumba na  kukutwa akiwa ameuwawa kinyama pamoja na matukio mengine ya uvamizi  wa  wanahabari  likiwemo  la akina  Said Kubenea  na Ndimara  Tegambwage kumwagiwa  tindikali   wakiwa ofisini kwao.

"Tunajiona kama watoto tusio na msaada; kilio chetu hakifiki mbali; tuko katika wakati  mgumu tunapokuwa katika mazingira ya kutimiza wajibu wetu kwasababu hatujui nani ni adui wa habari na wanahabari," alisema.
Wakati hayo yakitokea kwa wanahabari, Leoanard alikwenda mbali zaidi na kuzungumza uwepo wa baadhi ya wanahabari wanaofurahi wakiona wanahabari wenzao wanaokutwa na matukio ya aina hiyo.
"Wapo, tena wengi tu na wengine wanajulikana; kwa lugha za mtaani wanaitwa risasi kidole, kazi yao ni kuvujisha taarifa ya kazi zinazofanywa na wanahabari wenzao kwa wadau wanaofahamiana nao; lengo lao ni kupata ujira lakini ujira unaouwa haki ya watanzania ya kupata habari zinazohusu maendeleo yao bila kujali kama ni mbaya au nzuri," alisema.
Katika kuchochea maendeleo ya taifa, Leonard alisema habari ni muhimu katika ujenzi wa Taifa; ukimfanyia unyama mwandishi wa habari unaongeza manung'uniko katika jamii na kuzorotesha maendeleo.
Alisema Jeshi la Polisi linapaswa kutumia nguvu zake zote kuwasaka wahusika wa tukio lililomkuta Kibanda na kuwafikisha katika vyombo vya dola ili iwe fundisho kwa watu wengine wenye hila dhidi ya wanahabari na vyombo vya habari.

Read More

WOMEN CELEBRATIONS 2013

Vazi la kitenge ndio vazi lililotawala kwa asilimia 90% siku ya Women's Celebration, mavazi hayo yalioshonwa kwa mitindo aina mbali mbali yaliwapendeza sana wageni waliohudhuria shughuli hiyo pale Diomond Jubilee, V.I.P Hall, March 3,2013.

MITINDO YA NYWELE

Masuala ya Nywele nayo hayakuwa nyuma katika shughuli hiyo ya Women's Celebration ,Diamond Jubilee V.I.P hall, march 3,2013.

Read More

TFF IMEPENDEKEZA KIKAO NA Mukangara KIFANYIKE KESHOKUTWA (MACHI 7 MWAKA HUU ) AU MARCH 13 MWAKA HUU

TFF IMEPENDEKEZA KIKAO NA Mukangara KIFANYIKE KESHOKUTWA (MACHI 7 MWAKA HUU ) AU MARCH 13 MWAKA HUU

 

 

Shirikisho la Mpira wa Miguu Tanzania (TFF) limewasilisha rasmi maombi ya kuonana na Waziri wa Habari, Vijana, Utamaduni na Michezo, Dk. Fenella Mukangara ili kuzungumzia uamuzi wake wa kutengua usajili wa Katiba ya 2012.

Maombi hayo yaliwasilishwa rasmi Wizarani jana (Machi 4 mwaka huu) ambapo TFF imependekeza kikao hicho kifanyike keshokutwa (Machi 7 mwaka huu) au Machi 13 mwaka huu.

Kamati ya Utendaji ya TFF iliyokutana Machi 2 mwaka huu kujadili tamko ya Waziri kutengua matumizi ya Katiba ya 2012 ndiyo iliyopendekeza kikao hicho kwa lengo la kusikiliza upande wa TFF katika suala hilo.

Read More

ZFA YAKUBALI MAKUNGU KUACHIA NGAZI YAMSHUKURU KWA KILA JAMBO KUPATA RAIS MWINGINE NDANI YA SIKU TISINI

 

Kamati ya Utendaji ya Chama cha Soka Zanzibar (ZFA), Kimeridhia  Maombi ya Aliyekuwa  Rais chama hicho , Aman Ibrahim Makungu kuachingazi nafasi hiyo.
Katika Barua iliyoandikwa na ZFA Machi 4, mwaka huu,  , iliyoisainiwa na Makamu wa Rais Kisiwani Unguja, ambaye pia ni Kaimu Rais wa ZFA kikatiba, Alhaj Haji Ameir, ikiwa na Kumbukumbu namba. ZFA/PRESIDENT/VOL.11/05.

Barua hiyo inasomeka  Kamati ya Utendaji ya ZFA Taifa, imekaa na kujadili kwa kina ombi la kujiuzulu kwa Makungu, na kutafakari kwa makini na hatimaye kufikia uamuzi wa kulikubali ombi hilo.

 ZFA Taifa imemshukuru Aman Makungu kwa msaada wake alioutoa huku wakimuomba aendelee kuwa na chama hicho wakati wowote atakapohitajika.
Nakala za barua hiyo zimetumwa kwa Katibu Mtendaji wa Baraza la Taifa la Michezo la Zanzibar pamoja na Msaidizi Katibu ZFA Kisiwani Pemba.

Kwa mujibu wa Katiba ya ZFA, sasa ni wazi kuwa kunalazimika kufanyika uchaguzi mwingine ndani ya siku 90.
Itakumbukwa kuwa miezi miwili iliyopita, Rais wa ZFA, Aman Ibrahim Makungu aliandika barua ya kuomba kujiuzulu nafasi hiyo kwa kile kilichoelezwa katika barua hiyo kuwa ni 

kuchoshwa na baadhi ya viongozi wa chama hicho wasiotaka mabadiliko huku wakionekana kuwagawa baadhi ya wajumbe wa ZFA kwa kisingizio cha U-Unguja na U-Upemba, 

ambapo Kamati ya Utendaji ya ZFA Taifa walilikataa ombi hilo kwa madai kuwa litachangia kurejesha nyuma soka la Zanzibar.

Read More

NDOTO ZA MACHESTER UTD KUTWAA TAJI LA ULAYA ZAISHIA KATIKA MJADARA MKUBWA ULAYA

FERGUSON ASUSIA WANAHABARI KISA KADI NYEKUNDU

Kocha wa Manchester United  Sir Alex Ferguson hakuwa tayari kuzungumza na vyomb vya habari ,baada ya timu kusukmwa nje ya ligi ya mabingwa barani ulaya Dhidi ya   Real Madrid katika uwanja wa   Old Trafford.

Ferguson alishindwa kumvumilia  mwamuzi kutoka uturuki Cuneyt Cakir baada ya kumpa kadi nyekundu  Nani baada ya kumfanyia rafu mbaya  Alvaro Arbeloa katika dakika ya  56 wakati United ilikuwa ikongoza kwa goli la kujifunga la  Sergio Ramos's. 

Kocha msaisizi wa United  Mike Phelan alimwakilisha Feg  katika mahojiano baada ya mechi kumalizka  : "Chumba cha kubadilishia sio salama kwetu Kocha mkuu amekasirsihwa na maamuzi ya mwamuzi wa leo ndio maana hayuko hapa .

na mimi ndiye nitakaye zungumza 

 

"Sidhani kama mkufunzi mkuu atakuwa sawa kuzungumza .

Naongea haya ili muone ni kwa jinsi gani tumesikitishwa hii ni klabu kubwa duniani  ."

Phelan : "Tumesikitishwa na kuumia sana tuna mashaka kwanini limetokea na kwa sababu gani limetokea .

 sio rahisi mkiwa kumi kiwanjani mkacheza na real Madrid .

" Waamuzi wapo kiwanjani ili kufanya Maamuzi lakini unatakiwa kufanya maamuzi ya maana . 

Najua vyombo vya habari na watazamanji duniani  kote wametazama hili na watakuwa na maoni tofauti lakini tumesikitishwa sana."

NDOTO ZA MACHESTER UTD KUTWAA TAJI LA ULAYA ZAISHIA KATIKA MJADARA MKUBWA ULAYA

 

Ndoto za Manchester United's kutwaa ubingwa wa ulaya zimemalizka kwa mjadara mkubwa huku kocha Man u    Sir Alex Ferguson na wachezaji wakikiona kiwanja cha OT ni Kikubwa kuliko wakati mwingine.

United walionekana tayari wameanza kuingia hatua ya Robo fainali mara baada ya kipindi cha pili Kuanza huku  Real Madrid's ikijitia matatani mara baada ya Sergio Ramos's kujifunga mwenyewe na kuipa goli United  ambalo ilikuwa likichagizwa na sare ya goli moja kwa moja  katika mchezo wa kwanza uliofanyika  Bernabeu. 

Lakini mchezo ulibadilika baada ya Mwamuzi kutoka Uturuki  Cuneyt Cakir's Kumlima kadi nyekundu Luis  Nani baada ya kumchezea vibaya Mchezaji  Real Madrid Alvaro Arbeloa katika dakika ya  56  - kadi ambayo iliwanyong'onyesha wachezaji wa United .

Vijana wa Jose Mourinho's , waliongeza bidii , na kutumia pengo la hilo ambapo mchezaji wa zamani na kiungo wa Tottenham  Luka Modric na kijana wa zamani wa Timu hiyo   Cristiano Ronaldo walitumia dakika sita kusawazisha na kufunga goli la ushindi na kusonga mbele katika hatua Robo fainali .

Baada ya luis Nani Kupewa kadi nyekundu Ferguson's alinoneka kuto kuamini kinachotokea na kumshutumu  mwamuzi kuwa hakutenda haki  baada kutolewa mchezaji wake  .

Mourinho sasa atakuwa analisaka taji la tatu la ligi ya mabingwa barani ulaya akiwa na klabu tatu tofauti  wakati Manchester utd wanatakiwa kujikita katika makombe ya nyumbani ambapo jumapili watakuwa wakipambana na chelsea katika kombe Fa huku wakiwa wanaongoza alama 12 dhidi ya bingwa mtetezi Manchester city .

 

Huenda mwaka huu ukawa kama 1996, ambapo England haikuwa na timu yoyote kwenye hatua ya robo fainali, kwani Chelsea na Manchester City walishatolewa na Arsenal wapo ukingoni wanapoelekea Ujerumani wiki ijayo.

Baada ya mechi Rio Ferdinand alimwendea mwamuzi na kujidai kumpigia makofi kana kwamba anampongeza, bila shaka kuonesha kuudhiwa na uamuzi wake wa kumpa kadi nyekundu Nani, na pengine kuwanyima penati kadhaa walizodhani walistahili.

Read More